Presentación de “Universo Cantigas. I. Cantigas de Amor”

O mércores 4 de xuño, ás 19.30 h, preséntase no noso local Universo Cantigas. I. Cantigas de Amor.

Constitúe a edición das 704 cantigas de amor galego-portuguesas transmitidas polos cancioneiros medievais. O texto (crítico) de cada cantiga vai acompañado das fontes manuscritas, das edicións anteriores existentes e dunha paráfrase en galego actual, para alén dun QR que liga cada poema á edición completa en Universo Cantigas. A obra representa un fito no mundo académico da Galiza e Portugal que está a ter unha excepcional acollida tanto en ámbitos nacionais como internacionais.

Coa coordinación de Manuel Ferreiro (UDC), principal responsábel polo proxecto, a equipa básica de traballo está formada por Mariña Arbor Aldea (USC), Bieito Arias Freixedo (UVIGO) e Leticia Eirín (UDC), todas elas persoas de recoñecida traxectoria académica no ámbito dos estudos e da edición de textos medievais galego-portugueses.