O luns 22 de xuño, ás 20 horas, terá lugar a presentación de Universo Cantigas. II. Cantigas de Amigo, o segundo volume desta serie.
Esta obra recolle a edición das 501 cantigas de amigo galego-portuguesas transmitidas polos cancioneiros medievais. O texto crítico de cada cantiga vai acompañado dunha paráfrase en galego actual, para alén da indicación das fontes manuscritas, das edicións anteriores existentes e dun QR que liga cada poema á edición completa en Universo Cantigas.
Estarán no acto Bieito Arias Freixedo, Leticia Eirín e Manuel Ferreiro.
