O martes 30 de xuño ás 19:00 h, o Fórum Metropolitano será o escenario dunha xornada impulsada xunto coa Fundación Galiza Sempre e as asociacións veciñais da Agra do Orzán e dos Castros.
O século XIX foi un tempo marcado polas revoltas, a chamada Primavera dos Pobos foi un tempo en que media Europa se ergueu en defensa da dignidade das clases populares. E Galiza non foi allea a este tempo.
Por primeira vez, o documental 1846 Revolución Galega da autoría de César Caramés analiza desde unha perspectiva galega o que foi un tempo de revolución e de unidade contra as inxustizas. Combinando recreacións artísitcas con testemuñas de investigadoras e especialistas ofrece unha visión divulgativa e accesible sobre un episodio descoñecido da nosa historia.
Participará o director do documental e autor desta investigación, César Caramés, con quen poderemos dialogar sobre este fito histórico do noso país.
Pregámovos puntualidade, dado que o inicio do acto vén determinado pola propia sala de proxección. Non é necesaria inscrición.
