O mércores 11 de febreiro ás 19.30 horas acompañaremos a Jorge Rodríguez Durán na presentación do seu libro Carnívoras e domésticas, publicado na colección de adultas de Cuarto de Inverno.
Esta obra, que marca a súa incursión no relato breve e microrrelato, preséntase como un conxunto de historias eremitas sobre a vida cotiá. O libro instálase no xogo, na liberdade, nos reveses vitais e, sobre todo, no melodrama, convidando á lectura coa premisa de que nada é tan serio como aparenta.
Jorge Rodríguez Durán (Vigo, 1993) é graduado en lingua e literatura inglesas pola USC e técnico de apoio á investigación. Formouse tamén en impresión gráfica para desenvolver o seu labor como editor e maquetador no proxecto Micromundos. Na súa traxectoria literaria destacan poemarios como COSMO(a)GONÍA (2021) e o micropoemario Manual de estilo (2019). Como tradutor, levou ao inglés a obra de Emma Pedreira e trouxo ao galego a poetas irlandesas. Desde 2023 forma parte do Consello de Redacción da revista Dorna.
Na presentación estará acompañado por Emma Pedreira e Ana Varela.
DATOS DO EVENTO
Inscrición necesaria
