O martes 5 de maio ás 19:00 horas acolleremos na nosa sede a presentación do Protocolo O Galego, Lingua Vital, unha iniciativa impulsada pola plataforma Queremos Galego. Baixo o título “O galego, lingua vital: alternativas para reverter a emerxencia lingüística”, o acto servirá para expoñer un conxunto de medidas e propostas cidadás que buscan dar resposta á inacción da administración ante a preocupante situación actual do noso idioma.
A presentación contará coas intervencións de Celia Armas, coordinadora de Queremos Galego, Marcos Maceira, portavoz da plataforma e Xosé Losada, da Asociación de Actores e Actrices de Galicia.. O obxectivo deste protocolo é ofrecer ferramentas e alternativas sociais para revitalizar o uso do galego en todos os ámbitos e reverter o proceso de emerxencia lingüística que atravesa o país.
