O xoves 29 de xaneiro, ás 19:30 h, no noso local, acolleremos a presentación do proxecto de vivenda colaborativa As Lavandeiras.
As Lavandeiras é o primeiro proxecto de vivenda colaborativa en cesión de uso na Coruña. Unha oportunidade para construír un fogar desde a participación, a democracia e o respecto mutuo, que procura unha alternativa real ao modelo tradicional.
No acto participarán integrantes do seu colectivo promotor que exporán os inicios do proxecto e a situación actual do acceso á vivenda na cidade.
