O luns 7 de abril, ás 19.30 h, proxectaremos o documental producido por México e Exipto Gaza, la franja del exterminio.
Un achegamento até as entrañas da Franxa de Gaza, na perspectiva dunha «antropoloxía salvaxe», é o que amosa a película documental Gaza: a franxa do exterminio (2024), do cineasta mexicano Rafael Rangel. O documento audiovisual sitúanos no lugar dos acontecementos e, sen faltar á verdade do sufrimento dun pobo enteiro, amosa a crúa e brutal realidade: o horror da destrución e o xenocidio perpetrado polo Estado de Israel sobre Palestina.
Ten unha duración de 102 minutos.
