O sábado 11 de abril, de 12:00 a 13:30 h, agardámosvos na Agrupación Cultural Alexandre Bóveda para unha nova sesión do ciclo Cafés Feministas. Nesta ocasión, o encontro levará por título “Quen debe ser o suxeito político do feminismo?”.
Neste encontro, organizado pola ACAB en colaboración coa Marcha Mundial das Mulleres, preguntarémonos quen debe ser o suxeito político do feminismo.? é representativo da sociedade? é estático? evolucionou? é o que queremos? Cara onde queremos camiñar? O feminismo é o movemento social que loita pola igualdade entre homes e mulleres, un movemento no que a loita é cousa de mulleres, no que o protagonismo e o traballo son das mulleres, pero que pasa cando o xénero evoluciona e sae da rixidez do heteropatricarcado e o capitalismo?
Non é necesaria inscrición previa.
