O xoves 26 de febreiro ás 19.30 h no noso local, acolleremos a presentación do libro A represión franquista en Alhucemas e no Rif Central durante a Guerra Civil Española, coa presenza do seu autor, Dionísio Pereira. Esta obra, editada por Slaiki Akhawayne nun formato bilingüe árabe-castelán, debulla a violencia exercida polo bando sublevado no norte de África entre 1936 e 1939.
A publicación manexa unha base de datos con máis de 150 persoas residentes españolas represaliadas, incluíndo o fusilamento de medio centenar de persoas no Rif Central, Melilla ou Ceuta. O libro documenta tamén a violencia desmedida contra os rifeños que se negaron ao recrutamento forzado para o exército de Franco, demostrando que a brutalidade da Guerra de África continuou baixo o dominio dos militares franquistas no Protectorado.
Dionisio Pereira (A Coruña, 1953) é un das grandes referencias nos estudos da memoria na Galiza. É autor dunha abondosa bibliografía arredor dos movementos sociais e político no período republicano e sobre a represión franquista.
É unha presentación feita en colaboración coa Comisión pola Recuperación da Memoria Histórica da Coruña.
