O sábado 7 de marzo ás 12 h, con saída desde o Campo da Leña, realizaremos o roteiro A Coruña das Mulleres.
En 1936, o Golpe de Estado fixo saltar polo aire a vida de millares de mulleres. A educación, a cultura, o pensamento, o sentimento, a liberdade, a palabra, todas foron silenciadas e con elas, as mulleres. No 90 aniversario dese crime contra a democracia homenaxearemos a algunhas das mulleres represaliadas polo franquismo neste roteiro:
Campo da Leña: A represión das mulleres en Galiza. Con Montse Fajardo.
Rúa Panadeiras: María Miramontes. Con María Xosé Bravo.
Praza das Atochas: As Mapoluas libertarias. Con Inés Merayo Fernández.
María Pita 17: As mestras represaliadas (María Barbeito, Mercedes Romero Abella, Elvira Bao…). Con Cristina L. Villar.
A Mariña: Mª Luz Morales. Con Keina Espiñeira.
Traseira do teatro Rosalía: Mulleres muro. Syra Alonso. Con Carmela Galego.
Autoridade Portuaria: Mercedes Núñez e Juana Capdevielle. Con Patricia Angulo.
Teatro Colón: María Casares. Con María Lopo.
A actividade terá unha duración aproximada de hora e media e contará coa música de Non fagas ruido e as Cantareiras Revolteiras. Como afirmou Syra Alonso: “O que máis glorifica a Galiza é o valor das súas mulleres”.
Non é necesaria inscrición.
DATOS DO EVENTO
