Roteiro Castelao na Coruña

Se Galiza che parece pequena é porque non tes azos para concibir nada grande.

O sábado 11 de outubro, ás 12 h, pasearemos a cidade para lembrar os vínculos de Castelao coa cidade da Coruña. 

Alfonso Daniel Rodríguez Castelao (Rianxo, 1886- Bos Aires, 1950) é a figura máis representativa da cultura e a política galega da primeira metade do século XX.

Escritor, debuxante, político, conferenciante, investigador e activista…

A tradición republicana e galeguista da cidade é o alicerce para esa relación profunda de Castelao coa Coruña: aquí participou nas Irmandades da Fala, colaborou con varios medios de comunicación, pronunciou conferencias, promoveu exposicións e participou en actos culturais e políticos fundamentais na historia política de Galiza.

PERCORRIDO

1. Estatua  de Castelao nos Xardíns de Méndez Núñez (á dereita do estanque dos xardíns): Castelao, símbolo de Galiza.
   Con Xosé Luís Axeitos, investigador e escritor.
2. Cine Avenida: Castelao, a Galiza organizada.
   Con André Laxe, Federación Galiza Cultura
3. Circo de Artesáns: O Álbum Nós.
   Con Elvira Roiz, profesora de Lingua e Literatura Galega
4. Editorial Nós, rúa Real 36, Literatura e identidade.
   Con Carme San Xulián, profesora de  Filoloxía Galega e Portuguesa na UDC
5. Rúa Real nº 26: Castelao e o deseño para a prensa
   Con Pepe Barro, deseñador
6. Praza dos Ovos/Praza do Humor: Castelao humorista.
   Con Siro López, caricaturista
7. Teatro Rosalía de Castro: Castelao, político.
   Con Pilar García Negro, profesora da UDC e escritora

Pasarrúas con Xosé Manuel Sánchez Rei.

E a voz de Mónica Pérez López acompañada do piano de Pablo Méndez Carreira.

Duración aproximada: hora e media.