Se isto é un bosque

O mércores 11 de decembro, ás 19.30 h, teremos unha palestra co título de Se Isto é un bosque, organizada pola Fundación Luzes.

É unha verdade universalmente recoñecida que toda persoa nacida de galegos se enfrontará algunha vez á diatriba de que facermos coa chousa ou co nabal, coa veiga ou coas cortiñas, co monte aquel que cavou a avoa, descanse en paz, que boa falta lle fai. Se ata o de agora non che pasou é porque tes a fortuna de que os teus proxenitores aínda son quen de se ocupar. Porén, cando a vellice lles chega, a pregunta está aí: «A ti paréceche que venda o monte?»

Con Marta Veiga Izaguirre, xornalista e profesora de comunicación da USC e Mar Pérez Fra, economista e profesora de economía agraria na USC.

Esta actividade fai parte do programa Revisar os Marcos que realizamos en colaboración coa Fundación Luzes.