Tecer redes desde a língua

A quarta-feira 23 de abril, às 19.30 h, Natalia Cea Rodríguez falará-nos de Tecer redes desde a língua. Umha investigaçom qualitativa sobre a identidade linguística e cultural na adolescência.

Quarenta anos depois da incorporaçom da língua galega ao sistema educativo, o espaço que ocupa no mesmo é motivo de debate e análise. Com este trabalho procura-se conhecer a narrativa, o enfoque e a história pessoal dum grupo de rapazas e rapaces que estám a construir a sua identidade desde umha base cultural e linguística diferente ao que se entende como ordinário. A investigaçom situa-se no trânsito educativo entre umha instituiçom definida pola imersom linguística fronte as instituiçons que nom. Com isto, procura-se descobrir a existência, ou a falta, de conflitos á hora de desenvolver-se dentro da rede pública de ensino na Galiza e convivir con ideologias e políticas lingüísticas diferentes, assim como com os códigos e jerarquias próprias do instituto. Através de entrevistas individuais e grupos de discussom trata-se de escoitar e relatar os quês e porquês das cousas desde o seu ponto de vista, já que a investigaçom qualitativa é pura vida, além dos números e gráficos sócio-linguísticos recolhidos durante décadas.

Esta atividade enquadra-se dentro do ciclo Aula Aberta, que fazemos em colaboraçom com o Grupo Illa da UDC.