Compostela garda baixo pedra os grandes símbolos da nosa historia, cultura e arte. Da escaleira espiral de Bonaval aos alicerces catedralicios do Mestre Mateo. Do Panteón Real ao Panteón de Galegos Ilustres pasando polo reflectorio de San Martiño Pinario. Alí xantaremos o sábado 26 de outubro nunha xornada na que exploraremos a pedra compostelá na mellor das compañas.
Sairemos da Coruña ás 9.30 h e pola mañá realizaremos unha visita guiada ao Panteón dos Reis, á cripta e ás tribunas da Catedral con Ramón Yzquierdo Peiró, Director Técnico do Museo Catedral de Compostela.
Xantaremos no mosteiro de San Martiño Pinario.
E pola tarde realizaremos unha visita guiada ao Museo do Pobo Galego con Concha Losada, presidenta do MPG e unha visita guiada ao Panteón de Galegos Ilustres con Uxío Breogán Diéguez Cequiel membro do Consello de Goberno do Museo.
Chegaremos de volta ás 19.30 h aproximadamente.
O prezo total é de 30 euros.
