O sábado 4 de xullo ás 12:00 h organizamos unha visita ao Souto das esculturas Galán-Nistal, no corazón verde de Meirás, concello de Sada
Achegarémonos a este espazo íntimo e poético para coñecer o universo creativo dun dos escultores galegos máis relevantes, Pepe Galán, onde a súa obra dialoga de forma directa coa arquitectura, coa natureza e coa paisaxe. Durante a visita, que terá unha duración aproximada dunha hora e media, poderemos gozar das esculturas de metal amparadas baixo a protección dos carballos e castiñeiros. Así mesmo, exploraremos este espazo que conserva o recendo do monte e o labradío, intervindo en perfecta simbiose co arquitecto Alfonso Fernández.
Nota: cada persoa debe desprazarse até o lugar polos seus propios medios.
