A poeta María do Carme Kruckenberg Sanjurjo (Vigo,1926 – Vigo, 2015) dedícalle versos a cidade da Coruña: vento, néboa, bravo mar, barco, faro… beleza.
A CORUÑA
A bravura da mar
envolve a túa cintura
con brétemas translucidas
de encaixe de bolillos.
Os amigos navegan
por costas invencibres
da túa xeografía.
A mitade do barco
se engalana de vento
e de brancas gaivotas,
mentres pola noite cantan
os poetas, o faro que os guía.
A Coruña soña ca beleza
intanxíbel, do primeiro amencer
que lle regala a vida.
